Prezident seçkilərinə yekun namizədlərin adı açıqlanıb
14-cü prezident seçkiləri üçün Konstitusiyanın Mühafizəsi Şurasında təsdiqlənmiş namizədlərin siyahısı açıqlanıb.
İranın Seçki Qərargahının sözçüsü Möhsün İslami 14-cü prezident seçkiləri üçün təsdiqlənmiş namizədlərin adını açıqlanıb.
Namizədliyi təsdiqlənmiş namizədlər bunlardır:
Səid Cəlili, hazırkı parlament sədri Məhəmməd Baqir Qalibaf; Məsud Pezeşkian, Mustafa Purməhəmmədi, Əmir Hüseyn Qazizadə Haşimi və Tehranın meri Əlirza Zakani.
Prezident seçkilərinin 14-cü müddətinə namizədlərin qeydiyyatı cümə axşamı 30 may tarixində başlayıb və 5 gün davam edib. Bu 5 gün ərzində ümumilikdə 80 nəfər qeydiyyatdan keçib.
Qeydiyyat prosesi başa çatdıqdan sonra Konstitusiyanın Mühafizəsi Şurası 7 gün müddətinə qeydiyyatdan keçən namizədləri nəzərdən keçirib və bu gün yekun namizədlərin adı ölkənin Daxili İşlər Nazirliyinə elan edilib.
Namizədlərin təbliğat-təşviqat kampaniyası iyunun 12-də başlayacaq və iyunun 27-dək davam edəcək. İran İslam Respublikasının doqquzuncu prezidentini seçmək üçün cümə günü, iyunun 28-də seçkilər keçiriləcək.
