Avq 01, 2020 09:12 Asia/Baku
  • Yaqut Qarayeva: Məktəblərin açılması məsələsi ÜST ilə müzakirə olunub

Məktəblərin açılması ilə bağlı məsələ Ümumdünya Səhiyyə Təşkilatı (ÜST) ilə müzakirə olunub. Həmçinin, dünyada bu prosesə başlamış ölkələrin təcrübələri öyrənilir, onlarla da müzakirələr aparılır.

SəhərAzəri Trend-ə istinadla bildirir ki, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva deyib.

Məlumata əsasən TƏBİB-in şöbə müdiri Yaqut Qarayev bu bardə qərar qəbul olunan zaman Operativ Qərargah vasitəsilə ictimaiyyətə məlumat veriləcəyini söyləyib.

ÜST-ün Azərbaycandakı nümayəndəsi Hande Harmancı isə bildirib ki, qadağaların götürülməsi ilə bağlı məsələlər çox önəmlidir: "Operativ Qərargahda alınan qərarlar faktlara əsaslanır. Xüsusən də rayonlara gediş-gəlişin yoluxmanı artırması ilə bağlı ciddi faktlar var. Bu yaxınlarda bir nəfərin rayona getməsi və bir çox insanı yoluxdurması da bu faktlardan biridir. Əlbəttə ki, bütün bu qadağalarda məqsəd insanların təhlükəsizliyini təmin etmək, onların sağlamlığını qorumaqdır. İnsaları bir daha bu qaydalara əməl etməyə dəvət edirəm".

Teqlər

Şərhlər