"TIME" jurnalı 2020-ci il üzrə "İlin 100 fotosu"nu dərc edib
Ermənilərin Azərbaycan Respublikasının Bərdə şəhərinə atdığı raket nəticəsində həlak olanların fotosu "TIME" jurnalının 2020-ci il üzrə "İlin 100 fotosu"na daxil edilib.
SəhərAzəri xarici xəbər agentliklərinə istinadən xəbər verir, "TIME" jurnalı 2020-ci il üzrə "İin 100 fotosu"nu dərc edib. 2020-ci ilin 100 fotosu arasında oktyabrın 28-də Ermənistan hərbi qüvvələrinin Azərbaycan Respublikasının Bərdə şəhərinə atdığı kasetli bomba nəticəsində həlak olan Fuad İsmayılovun və onun bacısının yer aldığı foto da var.
Fotonun müəllifi "New-York Times"in fotoqrafı Ivor Prickettdir.
Xatırladaq ki, oktyabrın 28-də erməni hərbçilərinin Azərbaycan Respublikasının Bərdə şəhərinnin mərkəzinə atdığı raket 21 nəfərin ölümünə, 80-dən çox insanın yaralanmasına səbəb olub.
