Azərbaycan sülhə hazırdır
Əliyev sülh danışıqlarını başlamağa hazırlığını bildirdi
Azərbaycan Respublikasının prezidenti Ermənistanla sülh danışıqlarına başlamağa və sülh müqaviləsini imzalamağa hazırlığını bildirib.
SəhərAzəri-nin məlumatına əsasən, prezident İlham Əliyev Dördüncü Qlobal Bakı Forumunun açılışındakı çıxışı zamanı bildirib: “Biz indi postmünaqişə dövründəyik. Ermənistana sülh müqaviləsi üzərində işləməyə dair bir sıra təkliflər irəli sürmüşük, rəsmi Bakı müharibə haqqında yox, sülh haqqında, gələcək haqqında danışmaq fikrindədir. Lakin bu təklif hələ cavabını almayıb”.
Dövlət başçısı qeyd edib ki, indi hər bir şey Ermənistanın mövqeyindən asılı olacaq və Azərbaycan sərhədləri müəyyən etməkdə maraqlıdır.
Xatırladaq ki, Azərbaycan Respublikası Qarabağ məsələsi nəzərə alınmadan sülh müqaviləsinin imzalanmasını təklif edir, Ermənistan isə bundan əvvəl Qarabağın statusunun həllində israrlı qalır. ATƏT Minsk Qrupunun həmsədrləri sözü gedən məsələdə daha çox Ermənistanın mövqeyini dəstəkləyirlər.
