Ailə rejimi əndazəni aşır
İlham Əliyev Şuşada İranı şərlədi
İlham Əliyev növbəti dəfə İran İslam Respublikasına qarşı kinli fikirlər səsləndirib.
SəhərAzəri-nin məlumatına əsasən, İlham Əliyev noyabrın 8-də Şuşada hərbçilər qarşısında çıxışı zamanı Sepahın bu yaxınlarda Araz çayının qırağında hərbi təlimlər keçirməsini Ermənistana dəstək kimi dəyərləndirib. O, qonşu ölkəni təhdid etməkdən belə çəkinməyib. “Bizim Ordumuz qəhrəmanlıq, peşəkarlıq, fədakarlıq göstərib. Lazım olarsa, bir daha göstərərik, istədiyimizə nail olarıq, bunu hər kəs bilir və bizim sərhədimizdə Ermənistana dəstək olaraq hərbi təlim keçirənlər də bilsinlər. Bizi heç kim qorxuda bilməz”, - deyə Əliyev bildirib.
Ailə rejiminin başçısı İranın qonşuluq siyasəti çərçivəsində Ermənistanla çox yaxın əlaqələr qurmasına və Paşinyanın son günlər İranda yüksək səviyyədə qarşılanmasına da öz iradını bildirib və bu görüşdən təşvişə düşdüyünü gizlədə bilməyib. İlham Əliyev deyib: “Məscidləri dağıdana müsəlman ölkələrinin rəhbərləri qucaq aça bilməz, bilər? Onları qucaqlayıb öpə bilər? Bu, riyakarlıqdır, bu, satqınlıqdır. Bunun başqa adı yoxdur”.
