SAHAR

Bəzi müxalifət partiyaların seçkidə iştirak qərarından sonra, “Milli Şura parlament “seçkiləri”ni legitimləşdirmək üçün vasitə olmaqdan və seçki imitasiyasında iştirakdan imtina edir”.

Milli Şura 1 noyabr 2015-ci ildə keçiriləcək parlament seçkiləri ilə bağlı qərarını verib. Seçki ilə bağlı Milli Şuranın sentyabrın 10-da qəbul etdiyi sənəddə deyilir: "Demokratik Qüvvələrin Milli Şurası bu il, noyabrın 1-də keçiriləcək parlament seçkiləri ilə bağlı hələ avqustun 19-da hesabat yayaraq, ölkədə seçkiqabağı mühitin olmadığını, mövcud siyasi şərait və seçki prosesini tənzimləyən hüquqi normaların rəqabət şəraitində, azad və ədalətli seçkilərin keçirilməsinə imkan vermədiyini göstərmiş və vəziyyəti dəyişmək üçün hakimiyyət qarşısında tələblər irəli sürmüşdü".