Azərbaycan yığması Tokio-2020 Yay Olimpiya Oyunlarına daha bir lisenziyaya sahib olub.

Azərbaycan Respublikasının  milli komandasına növbəti vəsiqəni sərbəst güləşçi Hacı Əliyev qazandırıb. 

30 yaşlı üçqat dünya çempionu Macarıstanın paytaxtı Budapeştdə keçirilən Avropa Olimpiya Təsnifat Turnirində finala yüksəlməklə Tokio-2020-də iştirak hüququna sahib olub. 65 kq çəki dərəcəsində mübarizə aparan güləşçi 1/2 finalda Maksim Sakultandan (Moldova) üstün olub. Rəqibini 5:1 hesabı ilə məğlub edən Əliyev təsnifat yarışında həlledici görüşə də vəsiqəyə yiyələnib.  

Qeyd edək ki, bununla da Azərbaycan yığması Tokio-2020-yə lisenziya sayı 16-ya çatıb. 

Tokio Olimpiadası bu il iyulun 23-dən avqustun 8-dək keçiriləcək.