Azərbaycan yığması Qətərlə yoldaşlıq oyununda qüvvəsini sınayıb.

SəhərAzəri xəbər verir ki, Azərbaycan millisi növbəti oyununu keçirib.

Bu, Canni de Byazinin yetirmələrinin 2021-ci ildə ikinci matçı olub. Üç gün öncə dünya çempionatının seçmə oyununda Portuqaliyaya 0:1 hesabı ilə uduzan Azəörbaycan millisi yoxlama xarakterli ilk görüşünə Macarıstanda çıxıb. 

Matçın 16-cı dəqiqəsində Ramil Şeydayevin penalti zərbəsi ilə hesabı açan Azərbaycan yığması 6 oyunluq qol həsrətinə son qoyub. Bu, forvardın yığmada 6-cı qolu olub. Lakin Kiprlə ötən ilin sentyabrındakı matçdan 200 gün sonra rəqib qapısına yol tapan Azərbaycan millisi qələbəsizliyə son qoya bilməyib.

İkinci hissənin əvvəlində 4 dəqiqəyə iki top buraxan Azərbaycan millisi Asiya təmsilçisinə də uduzub. Bunadək Qətərlə keçirdiyi qarşılaşmalarda uduzmayan milli bu rəqibə də məğlub olub.

Qeyd edək ki, Azərbaycan millisi üç gündən sonra DÇ-2022-nin seçmə mərhələsində Serbiya ilə qarşılaşacaq. Oyun Bakı Olimpiya Stadionunda keçiriləcək.