Azərbaycan Respublikası Xarici İşlər Nazirliyinin Mətbuat xidməti KİV-in Azərbaycan və Ermənistan liderlərinin Brüsseldə gözlənilən görüşü barədə suallarını cavablandırıb.

SəhərAzəri-nin məlumatına əsasən, Xarici İşlər Nazirliyinin Mətbuat xidməti idarəsinin rəisi Leyla Abdullayevanın cavabında deyilir: Azərbaycan tərəfi hər zaman siyasi dialoqa açıqdır və bu kimi təmasları müsbət qarşılayır. Bu xüsusda, Aİ Şurasının Prezidentinin Brüssel Zirvəsi çərçivəsində Aİ-nin vasitəçiliyi ilə iki ölkə liderinin görüşünün təşkili təklifinə Azərbaycan tərəfindən razılıq verilib. 

XİN rəsmisi “Brüssel Zirvəsinin və bu çərçivədə keçirilməsi nəzərdə tutulan görüşün əlavə imkanlar yaradacağını hesab edirik”,- deyə bildirib.