Sankt-Peterburqda görüş baş tutubmu?
Müstəqil Dövlətlər Birliyinin qeyri-formal sammitində iştirak üçün Rusiyaya səfər etmiş Azərbaycan Respublikası prezidenti İlham Əliyev dekabrın 28-də axşam Sankt-Peterburqdan Bakıya qayıdıb.
SəhərAzəri-nin məlumatına əsasən,bu görüş iştirakçılarının yekun bəyanatı olmayıb. İlham Əliyevin Nikol Paşinyanla gözlənilən görüşü barədə də məlumat verilmir.
Dekabrın 29-da səhər nə Bakı, nə də Yerevan bu məsələni şərh etməyiblər və aydınlıq gətirilməyib. Amma görüşlə bağlı videogörüntülərdən aydın olur ki, Azərbaycan və Ermənistan liderləri bir-iki kəlmə danışıblar.
Turan xəbər agentliyi bu barədə yazır: Ola bilsin ki, tərəflər görüş faktını və hansısa razılaşmanı açıqlamamaq qərarına gəliblər. Ancaq o da ola bilər ki, görüş baş tutmayıb, ya da tərəflər hər hansı razılığa gələ bilməyiblər.
