Tehranın torpaqlarla bağlı istəyi yerinə yetirildi
İran səfiri Laçının Azərbaycana qaytarılmasını təbrik edib
İran səfiri Azərbaycan Respublikasını təbrik edib.
SəhərAzəri-nin məlumatına əsasən, İranın Azərbaycandakı səfiri Seyid Abbas Musəvi Şuşada jurnalistlərə açıqlamasında təbriklərini çatdırıb.
“Azərbaycan hökuməti və xalqını Laçın şəhərini, Zabux və Sus kəndlərini nəzarətə götürməsi münasibətilə təbrik edirik”, - deyə diplomat bildirib.
Qeyd edək ki, bütün itirilmiş torpaqların Azərbaycan Respublikasına qaytarılması münaqişə zamanı İran İslam Respublikasının əsas tələbləri sırasında olmuş və Aliməqamlı Rəhbər özünün məşhur 3 noyabr 2020-ci il bəyanatında bu istəyi təkrarlamışdı. Ona görə də Laçının Azərbaycana qaytarılması rəsmi Tehran tərəfindən məmnunluqla qarşılanır.
Laçın dəhlizinə alternativ yaradıldıqdan sonra Laçın şəhəri avqustun 26-da Azərbaycan Respublikasının nəzarətinə verilib.
