Azərbaycan Prezidenti mina problemindən danışdı
“30 il zaman və 25 milyard dollar vəsait lazımdır”
Azərbaycan Respublikasının prezidenti Astanada keçirilən iclasında çıxışı zamanı deyib ki, ərazilərin minalardan təmizlənməsi üçün təxminən 30 il və 25 milyard dollar lazımdır.
SəhərAzəri-nin məlumatına əsasən, İlham Əliyev deyib: “Azərbaycan dünyada mina ilə ən çox çirklənmiş ölkələr sırasındadır. İlkin hesablamalara görə, Ermənistan işğal zamanı bir milyondan çox mina basdırıb”.
Bununla bağlı Dövlət başçısı bildirib ki, İkinci Qarabağ müharibəsinin başa çatmasından keçən iki il ərzində 250-dən çox Azərbaycan vətəndaşı mina partlayışları zamanı həlak olub və ya ağır yaralanıb:
“Beynəlxalq mütəxəssislərin hesablamalarına görə, Azərbaycana ərazilərin minalardan təmizlənməsi məsələsini həll etmək üçün təxminən 30 il və 25 milyard ABŞ dolları lazımdır. Minalardan təmizlənmə ilə paralel, indi Azərbaycan həm də işğaldan azad olunmuş ərazilərdə öz resursları hesabına genişmiqyaslı quruculuq işləri aparır. Biz, həmçinin keçmiş məcburi köçkünlərin öz doğma yurdlarına qayıdışı prosesinə başlamışıq”, - deyə Əliyev vurğulayıb.
