SAHAR

Çin alimləri sərnişini olan bir kosmik raketi 2 kosmonavt ilə kosmosa göndəriblər.

İRNA-nın məlumatına görə, "Şin Cu -11" adlı kosmik raket bu gün səhər "Ciyo Çuan" mərkəzindən kosmosa buraxılıb. 

Çinin aero-kosmonavtika alimləri bu raketin kosmosa göndərilməsini bu ölkənin kosmosun kəşfi üzrə fəaliyyətlərində dönüş nöqtəsi adlandırıblar. 

Bu 6-cı dəfədir ki, Çin fəzaya kosmonavt göndərir.  Bu addım kosmik stansiyanın təkmilləşdirilməsi proqramı üzrə son dərəcə mühüm addım hesab olunur. Bu kosmik stansiya 2022-ci ilə qədər fəaliyyət göstərməlidir. 

Çinli rəsmilər Amerikalıların uzun illərdir ki, Çinin kosmonavtika sahəsindəki fəaliyyətlərinə mane olmağa çalışdığını deyirlər. Amma, Pekin Amerikaya Çini kosmik fəaliyyətlərdən uzaqlaşdırmaq icazəsi verməyəcək. 

Çin 2013-cü ilin sonuna kimi fəzaya kosmonavtların göndərilməsi üçün 5.8 milyard dollar vəsait xərcləyib.