SAHAR

Ginnes Müəssisəsinin illik hesabatına əsasən, Səudiyyə Ərəbistanı iqtisadi böhran və ictimai problemlər girdabına düşməsinə baxmayaraq, 2016-cı ildə hərbi xərclər baxımından dünyada 5-ci yerdə qərarlaşıb.

İRNA-nın məlumatına görə, Ərəbistanın hərbi xərcləri cari ildə 68 milyard 480 milyon dollara çatıb.

Ərəbistandan öndə Amerika, Çin, İngiltərə və Hindistan qərarlaşır.

Ərəbistanın külli miqdarda hərbi xərcləri elə bir haldadır ki, bu ölkənin Yəmənə hərbi təcavüzü beynəlxalq səviyyədə tənqidlərlə üzləşmişdir.

Ər-Riyad iqtisadi böhrana görə, sərt iqtisadi qənaət proqramını izləyir. Belə ki, işçilərinin maaşını azaldıb və bu ölkənin büdcə kəsiri 91 milyard dollara çatmışdır.

Səudiyyə rejimi güclü büdcə kəsiri və analoqu olmayan iqtisadi böhrana baxmayaraq, hərbi silah-sursatlar almaqdan əl çəkməyib və silah satan müxtəlif ölkələrlə müqavilələr imzalamışdır.