Rusiya ABŞ-ı hədələdi
Kreml bildirib: Rusiyanın ABŞ-la diplomatik münaqişədəki səbir kasası dolub.
Röytersin məlumatına görə, Kreml sözçüsü Dmitri Peskov bildirib: Beynəlxalq hüquq baxımından Rusiya uzun müddətə ABŞ-da diplomatik əmlakının müsadirə olunmasına dözə bilməz və qarşılıqlı addım atmadan onu buraxa bilməz.
Peskov deyib: Rusiya ABŞ-dakı əməkdaşlarının etiraf etdikləri beynəlxalq hüququn pozulması hallarının islah edilməsi üçün siyasi iradənin göstərilməsini gözləyir.
Peskov Moskvanın ehtimal üzrə nə vaxt qarşılıqlı addım atacağına dair açıqlama verməyib.
ABŞ-ın sabiq prezidenti Barak Obama 2016-cı ildə dəstəklədiyi namizəd Hillari Klintonun məğlubiyyəti ilə nəticələnən prezident seçkilərində Moskvanın iddia olunan müdaxiləsinə reaksiya əlaməti olaraq Rusiya diplomatlarının ölkədən çıxarılmasına və bu ölkənin Vaşinqton və Nyu-Yorkdakı iki diplomatik mülkünün müsadirə edilməsinə qərar verdi.
