SAHAR

Yaponiya hava qüvvələri bu ölkə qırıcıları və ABŞ-ın bombardmançı təyyarələrinin iştirakı ilə Koreya Yarımadası üzərində hərbi hava manevrinin keçirilməsindən xəbər verib.

Royters-in Tokiodan verdiyi məlumata görə, Yaponiya hava qüvvələrinin bəyanatında deyilir: Yaponiyanın F-15 qırıcıları bu gün səhər ABŞ-ın bombardmançı təyyarələrinin müşayiəti ilə Koreya Yarımadası üzərində birgə hərbi manevr keçiriblər. 

Bu birgə manevr Cənubi Koreyanın Pxenyanın raket təhdidləri qarşısında hərbi hazırlığın artırılması məqsədi ilə hərbi manevrə hazırlıq işləri ilə məşğul olduğu bir dövrdə təsadüf edir. 

Bundan öncə, 31 avqust tarixində də Yaponiyanın F-15 qırıcıları müştərək bir manevrdə ABŞ-ın bombardmançı təyyarələri və F-35 qırıcıları ilə birlikdə Koreya Yarımadası üzərində keçirilən birgə manevrdə iştirak etmişdi. 

Pxenyan isə ABŞ-ın və müttəfiqlərinin Şimali Koreya əleyhinə təhdidlərinin davam etdiyi zamana öz raket və hərbi nüvə qüdrətini artırmaqda davam edəcəyini bildirib.