Rusiyanın Vyanadakı beynəlxalq təşkilatlardakı nümayəndəsi Mixail Ulyanov cümə günü bir tvittdə bir çox əlkənin ABŞ-ın biolaboratoriyalarının fəaliyyətindən narahat olduğunu yazıb.

SəhərAzəri - İRNA-nın verdiyi məlumata görə, ABŞ-ın Gürcüstanın paytaxtı Tbilisinin yaxınlığında yerləşən "R.Luqar" adlı biolaboratoriyasının fəaliyyəti rusların ciddi narahatlığına səbəb olub.

Rusiyanın Xarici İşlər Nazirliyi ötən çərşənbə günü bir bəyanat yayaraq, ABŞ-ın Gürcüstandakı "R.Luqar" biolaboratoriyasının fəaliyyətilə bağlı çoxlu məsələlərin olduğuna işarə edib və "Bu laboratoriyanı ABŞ-ın Müdafiə Nazirliyi Pentaqon yaradıb və ondan təhlükəli infeksion xəstəliklərin araşdırılması üçün istifadə edir",-deyə əlavə edib.

Rusiyanın Müdafiə Nazirliyi də 2020-ci ilin əvvəlində verdiyi bəyanatda, Gürcüstanda və Rusiya sərhəddi yaxınlığında Pentaqonun Moskva və Pekin üçün təhlükə yaradan biolaboratoriya inşa etdiyini açıqlamışdı.