Kanadada silahlı hücum olub, ölənlər və yaralananlar var
Noy 01, 2020 14:54 Asia/Baku
Kanadanın Kvebek şəhərində soyuq silahla silahlanmış şəxs insanlara hücum edib.
SəhərAzəri xəbər verir ki, bu barədə yayılan məlumta əsasən, orta əsr geyimində olan 25 yaşında naməlum gənc yoldan keçənlərə soyuq silahla hücum edib. Nəticədə iki nəfər ölüb, beş nəfər bıçaq xəsarətləri alıb.
Cinayətkar həbs edilib. Polis onun avtomobilinin salonunda yanacaqla dolu bidonlar və soyuq silahlar aşkar edib.
Yaralılar yaxınlıqdakı xəstəxanalara aparılıb, Lakin onların vəziyyəti, hücumçunun motivi və şəxsiyyəti barədə hələ ki, heç bir məlumat verilməyib.
Kanada polisi, həmçinin bu hadisənin terror aktı olub-olmmasına da münasibət bildirməyib.
Məlumata görə, son aylarda Kanadada odlu və ya soyuq silahla bir neçə hücum həyata keçirilib.
