Çində “BBC”nin yayımı qadağan edilib
Fev 11, 2021 21:40 Asia/Baku
Çin Xalq Respublikasının Radio və Televiziyaların Tənzimləyicisi İdarəsi ölkə ərazisində Britaniyaya məxsus “BBC” telekanalının yayımını qadağan edib.
SəhərAzəri xəbər verir, Çin Milli TeleRadio İdarəsi qeyd edib ki, BBC-nin Çin barədəki bəzi informasiyaları sədaqət və tərəfsizlik prinsiplərini pozubdur.
Çin xarici işlər nazirliyi ötən həftə koronavirus pandemiyası məsələsindən siyasi istifadə səbəbindən bu dövlət mediasını tənqid etmiş və onun bu xüsusdakı xəbərlərini saxta adlandırmışdı.
Çin hökumətinin BBC-yə etirazı İngiltərədə televiziya kanallarının yayım qaydalarının tənzim edilməsi mərkəzinin Çinin CGTN sərhədaşırı kanalı yayımının lisenziyasını ləğv etməsindən az sonra baş veribdir.
