General Süleymaninin qatillərindən biri ölü tapıldı

İyul 01, 2021 14:01 Asia/Baku

ABŞ Hərbi Hava Qüvvələrinin (HHQ) zabiti Ceym Villis Qətərdə yerləşən əl-Udeyd aviabazasında ölü tapılıb.

SəhərAzəri-nin məlumatına əsasən, zabit döyüş əməliyyatları ilə bağlı olmayan insident nəticəsində ölüb.

55 yaşlı podpolkovnik Ceyms Villis İran İslam İnqilabı Keşikçiləri Korpusu Sepahın Qüds Qüvvələrinin şəhid komandanı Qasim Süleymaniyə qarşı sui-qəsd törədən şəxslərin siyahısında olub.

Xatırladaq ki, cari ilin yanvar ayında “Qüds” briqadasının hazırkı komandiri İsmayıl Qaaninin bəyanatı yayılıb. O, bəyanatda sözügedən sui-qəsddə əli olan hər kəsdən qisasın alınacağına dair söz verib.

“Siz daha hətta öz evinizdə belə rahatlaya bilməyəcəksiniz və qisasın sizi məhz orada haqlayacağı da az ehtimallı deyil”, – deyə o bildrimişdi.