Ukrayna müharibəsi barədə ziddiyyətli xəbərlər gəlir
Rusiya Kiyevə hücumdan vaz keçib?
Ukrayna Prezidenti Vladimir Zelenski deyib ki, Rusiya qoşunlarını geri çəkilməyə məcbur edən Ukrayna ordusunun effektiv hərəkətləridir.
SəhərAzəri-nin məlumatına əsasən, rəsmi Kiyev rus qoşunlarının şimal istiqamətində geri çəkilməsinə şübhə ilə yanaşır.
Zelenski bu haqda deyib: "Sayıqlığı itirməyin. Vəziyyət asanlaşmayıb, çağırışların miqyası azalmayıb. Rusiya ordusunun dövlətimizə qarşı hücumlarını davam etdirmək üçün hələ də böyük potensialı var. Onların hələ də çoxlu texnikası və müharibə “qazan”ına göndərə biləcəkləri kifayət qədər tamamilə hüquqlarından məhrum edilmiş adamları var."
Ukrayna Müdafiə Nazirliyinin feysbuk səhifəsində yayılan əməliyyat məlumatında isə bildirilir ki, Rusiya Silahlı Qüvvələri Cənubi Gürcüstanın Cənubi Osetiyada yerləşdirdiyi 4-cü və Abxaziyada yerləşdirdiyi 7-ci hərbi bazasını Ukraynaya köçürüb.
4-cü bazadan Ukraynaya 3 zirehli texnika, bir osetin və 1 200 rusiyalı əsgər, 7-ci bazadan isə 2 zirehli texnika, 800-ə yaxın əsgər göndərilib.
Beləliklə də Rusiya Silahlı Qüvvələrində şəxsi heyətin toplanması ilə bağlı problem qalmaqdadır. Ukrayna Silahlı Qüvvələri Rusiyanın 7 tankı, 7 zirehli texnikası, 2 avtomobili və tankəleyhinə silahı məhv edilib.
Digər tərəfdən Ukrayna Silahlı Qüvvələrinin Baş Qərargahı iddia edib ki, Rusiya Silahlı Qüvvələri şəxsi heyət toplamaqda çətinliklə üzləşir. Belə ki, Ukrayna ilə müharibədə iştirak etdikdən sonra 47-ci tank diviziyasının və 26-cı tank alayının çağırışçıları müqaviləyə xitam verilməsi və sonrakı xidmət üçün daimi dislokasiya məntəqəsinə göndərilməsi istəyilə hesabat hazırlamağa başlayıblar.
Müharibənin 35-ci günündə Ukrayna Baş Qərargahının məlumatında bildirilib ki, fevralın 24-dən martın 30-na qədər düşmənin 17.300-dən çox əsgəri, 605 tankı, 1723 hərbi zirehli maşını, 305 artilleriya sistemi, 96 reaktiv yaylım atəş sistemi, 54 HHM sistemi, 131 təyyarə, 131 helikopter, 1.184 avtomobil texnikası, 7 gəmi/kater, 75 yanacaq sisterni, 81 PUA, 21 xüsusi texnika, 4 ədəd taktiki raket kompleksi məhv edilib.
