Beynəlxalq Valyuta Fondu:
Avropa enerji böhranına doğru sürüklənir
Okt 24, 2022 12:46 Asia/Baku
Enerji böhranı səbəbindən Avropa ölkələrində yaşayış xərcləri 2022-ci ildə 7%, gələcəkdə isə 9% artacaq. Bu proqnozlar Beynəlxalq Valyuta Fondunun (BVF) regional hesabatında yer alıb.
Yanacağın qiymətlərinin artması xüsusən də öz fəaliyyətlərində çoxlu enerji istehlak edənlər üçün tədarük zəncirində böyük problemlər yaradır:
“Bir çox Avropa firması artıq gübrə, şüşə, polad və alüminium kimi sektorlarda malların buraxılışını məhdudlaşdırıb və ya məhdudlaşdırmağı planlaşdırır ki, bu da dəyər zəncirlərində əlavə qiymət artımlarına səbəb ola bilər”.
Qeyd olunub ki, son vaxtlara qədər Avropa İttifaqına enerji resurslarının ən böyük tədarükçüsü olan Rusiyadan təbii qaz idxalı praktiki olaraq dayandırılıb və bu, qitəni enerji böhranına sürükləyib.
