SAHAR

ABŞ Azərbaycanın Laçın dəhlizini blokadaya alması nəticəsində süni şəkildə yaradılmış humanitar böhrana son qoymaq üçün səylərini artırmalıdır. Belə bir bəyanatla ABŞ Konqresinin Nümayəndələr palatasının üzvü Anna Eşu çıxış edib.

Konqresmen deyib: “Artsaxın Azərbaycan tərəfindən vəhşicəsinə blokadası artıq üçüncü aydır ki, davam edir”.

Konqresmen həmçinin qeyd edib ki, o, Dağlıq Qarabağın blokadasını pisləyən ikipartiyalı qətnamənin həmmüəllifi olmaqdan qürur duyur.

Ermənipərəst konqresmen sonra Bayden administrasiyasını Azərbaycan rəsmilərinə qarşı sanksiyalar tətbiq etməklə və ABŞ-ın Azərbaycana hərbi yardımını dayandırmaqla rəsmi Bakını məsuliyyətə cəlb etməyə çağırıb.