Pakistanda hərbi helikopterin qəzaya uğraması nəticəsində 9 nəfər ölüb
Avq 07, 2015 10:23 Asia/Baku
-
Pakistanda hərbi helikopterin qəzaya uğraması nəticəsində 9 nəfər ölüb
Pakistanın şimal-şərqində hərbi helikopterin qəzaya uğraması nəticəsində 9 nəfər ölüb.
APA-nın “BBC”-yə istinadən verdiyi xəbərə görə, Pakistanda süqut edən hərbi helikopterin göyərtəsində, ümumilikdə, 12 nəfər olub, qalan üç şəxs barədə heç bir məlumat verilmir.Məlumata görə, hərbi həkimlərini daşıyan “Mi-17” tipli helikopter Hayber-Paxtunxva əyalətində dağlıq ərazidə yerə çırpılıb.
Ordu nümayəndəsinin sözlərinə görə, qəzaya səbəb texniki nasazlıq olub.
Qeyd edək ki, mayda Pakistanın şimalında helikopterin qəzaya uğraması nəticəsində Filippin və Norveç səfirləri də daxil olmaqla 7 nəfər həlak olmuşdu.
