Malayziya Ərəbistanın Yəmənə hücumunda iştirakı təkzib etdi
Malayziya Müdafiə Nazirliyi Səudiyyə Ərəbistanının Yəmənə hərbi hücumunda iştirak etdiyini təkzib edib.
İRNA-nın məlumatına görə, Malayziya Müdafiə Nazirliyi bir bəyanatada Səudiyyə Ərəbistanının Ərəb News qəzetinin ərəbistanın Yəmənə hücumunda malayziyalı qüvvələrin iştirakı ilə bağlı xəbərinə reaksiya verib: Malayziya silahlı qüvvələri Yəmənə qarşı Ərəbistanın hərbi əməliyyatında heç vaxt iştirak etməyiblər.
Səudiyyə Ərəbistanının Ərəb News qəzeti bir məlumatda Malayziya və Ərəbistan arasında hərbi əməkdaşlığa toxunub: Malayziya qüvvələri Ərəbistanın Yəmənə hərbi hücumunda iştirak ediblər.
Malayziya Müdafiə Nazirliyinin reaksiyasında bildirilir: Bu əsassız ittiham Malayziya silahlı qüvvələrini bədnam etmək məqsədilə irəli sürülüb.
Ali-Səud rejimi 2015-ci il mart ayından ABŞ və bəzi ərəb ölkələrinin dəstəyi ilə Yəmənə hücum edib. Məqsədi bu ölkənin istefa vermiş prezidenti Əbdrəbbə Mənsur Hadini iqtidara qaytarmaqdır.
