SAHAR

İndoneziya prezidenti terrorçu qruplaşmalar ilə mübarizəyə təkid edərək, xalqı təmkinli olmağa dəvət edib.

İRNA-nın məlumatına görə, Coko Vidodo cümə axşamı Cakartanın şərqində törədilən terror aktının ardınca İndoneziya xalqını təmkinli olmağa dəvət edib. 

İndoneziya polisi bildirib ki, son terror aktında 3 polis zabiti və 2 terrorçunun həlak olması ilə yanaşı, 6 polis zabiti və 6 mülki də yaralanıb. 

Bu, ötən ilin yanvar ayından bəri İndoneziyada törədilən ən qanlı terror aktı sayılır. Ötən il törədilən terror aktında 4 terrorçu və 4 mülki həyatını itirmişdi. 

İndoneziya ötən 17 ayda bir sıra terror hücumlarının şahidi olub. Bu terror hücumları İŞİD terrorçuları tərəfindən törədilib.