Malayziyanın paytaxtı Kualalampur şəhərində ABŞ səfirliyi qarşısında Trampın Qüdsü işğalçı İsrail rejiminin paytaxtı kimi tanımasına etiraz olaraq aksiya keçirilib.

İRNA-nın məlumatına görə, Trampın Qüdslə bağlı qərarından qəzəblənmiş paytaxt sakinləri bu gün cümə namazında iştirak etdikdən sonra ABŞ-ın Kualalampurdakı səfirliyinə doğru yürüş ediblər. 
ABŞ səfirliyi önündə bir araya gələn aksiya iştirakçıları prezident Trampın ABŞ səfirliyinin Təl-Əvivdən Qüdsə köçürülməsi ilə bağlı qərarını ləğv etməsini istəyiblər. 

Bu etiraz aksiyasında Tramp əleyhinə şüarlar səsləndirilib və Fələstin xalqı və Qüds ilə həmrəyliyə təkid edilib.