ABŞ-ın Nümayəndələr Məclisi çərşənbə axşamı söz azadlığına dəstək iddiası ilə İrandakı son iğtişaşları himayə üzrə qətnamə qəbul edib.

İRNA-nın məlumatına görə, "676" saylı qətnamə 415 lehinə səslə ABŞ-ın Nümayəndələr Məclisində qəbul edilib. 

ABŞ-ın Nümayəndələr Məclisi bu qətnamədə İran İslam Respublikasını Vaşinqton tərəfindən himayə edilən iğtişaşçıların haqlarını pozmaqda ittiham edib. 

ABŞ-ın Nümayəndələr Məclisi öz qətnaməsində bu ölkə hökumətindən İrana qarşı məqsədyönlü sanksiyalardan habelə, BMT-nin Təhlükəsizlik və İnsan Haqları şuralarının iclaslarından istifadə etməsini istəyib. 

Bundan öncə ABŞ prezidenti Donald Tramp və vitse-prezident Mayk Pens də İrandakı iğtişaşçıları tam aşkar formada dəstəkləmişdilər.