Banqladeşdə yüzlərlə rohinca didərgini onların qayıtma şərtlərinə diqqət yetirmədən Myanmaya qaytarılmasına dair Dakkanın layihələrinə etiraz üzrə aksiya keçirib.

İRİB-in məlumatına görə, didərgin rohincalar cümə günü şüarlar səsləndirərək və əllərində yazılı parçalar tutaraq Myanma vətəndaşlığının verilməsini, onların Raxin əyalətinə qaytarılmasından öncə təhlükəsizlik zəmanətlərinin verilməsini tələb ediblər.

Bu etiraz aksiyası BMT-nin Myanma məsələləri üzrə xüsusi məruzəçisi Yanghee Linin Banqlaşdeşə səfəri və Banqladeşin cənub-şərqində rohinca didərginlərinin düşərgəsinə baxış keçirməsi ərəfəsində keçirilib.

Banqladeş və Myanma 25 noyabr 2017-ci ildə rohinca didərginlərinin Raxində öz evlərinə qayıtması üçün anlaşma imzalayıb. Lakin rohinca müsəlmanlarının əksəriyyəti Myanmaya qayıtmaq istəmədiklərini bildirib.

BMT də bildirib ki, rohinca müsəlmanlarının qayıdışı prosesi könüllü şəkildə həyata keçirilməlidir.