Tunisdə yüzlərlə insan "əsrin sövdələşməsi" planını qınamaq üçün küçələrə axışaraq, aksiya keçirib.

Əl-Əhd xəbər portalının məlumatına görə, Tunis xalqı Fələstin xalqına dəstək vermək və ABŞ prezidenti Donald Trampın "əsrin sazişi" adı ilə tanınan planını qınamaq məqsədilə şüarlar verərək, aksiya keçirib.

Bu məlumata əsasən, etirazçılar " Əl-Əqsa təhlükədədir", " Fələstin satılmır" və "qayıdış haqqının ləğvi mümkün deyil" şüarları səsləndiriblər.

Tunis parlamentinin bir qrup deputatı da bu aksiyada iştirak edib nitqlər söyləyib.