SAHAR

Tramp müəyyən şərtlərdə “Twitter” şirkətinin fəaliyyətinin bağlana bilməsinə eyham vurub.

SəhərAzəri "Report"-a istinadla xəbər verir ki, bu barədə RİA "Novosti" məlumat yayıb.

"Bildiyim qədər mən onu bağlaya bilərdim", - Tramp deyib.

ABŞ Prezidenti əlavə edib ki, əgər sosial şəbəkənin bağlanması qanuni olsaydı, onda bunu edərdi. Tramp həmçinin hüquqşünaslarla məsləhətləşmək niyyətində olduğunu deyib.

Daha əvvəl "Twitter" sosial şəbəkəsi prezidentin yalan paylaşımlarından birini açıqlayıb. Şirkət Trampın mesajı altında dövlət başçısının yalanını iddia edən maddəyə xəbərdaredici nişan və istinad yerləşdirib. Tramp buna cavab olaraq sosial şəbəkələri nizama salmaqla və ya ümumiyyətlə bağlamaqla hədələyib.