Beynəlxalq Amnestiya təşkilatı koronavirus böhranı dönəmində 12 Avropa ölkəsində polis zorakılığı haqda xəbərdarlıq edib.

SəhərAzəri İRNA-ya istinadla xəbər verir, Beynəlxalq Amnestiya Təşkilatı- BAT bu gün bir hesabat yayaraq, elan edib ki, 12 Avropa ölkəsində koronavirusla bağlı karantin rejiminin tətbiq edilməsindən sonra polis qüvvələri irqi azlıqlar və şəhər ətrafında yaşayanları kobud şəkildə zorakılıq və sui-istifadəyə məruz qoyublar.

BAT Avropa İttifaqından əldə etdiyi faktlar və sənədlərə əsasən, vurğulayıb ki, kasıb bölgələr və irqi azlıqlara aid qruplar daha çox polis zorakılığına məruz qalıblar.

Bu beynəlxalq qurumun məlumatına görə, İspaniya və Fransadan yayımlanan video görüntülərdə polis zabitləri afrikalı vətəndaşları döyərkən göstərilib.