Əfqanıstanda məscidə hücum zamanı 3 nəfər öldürülüb
İyul 14, 2020 07:02 Asia/Baku
Əfqanıstanın şimal-qərbindəki Faryab əyalətində bir qrup silahlı şəxs məscidə atəş açıb. Nəticədə azı 3 nəfər ölüb, daha 3 nəfər yaralanıb.
SəhərAzəri APA-ya istinadla xəbər verir ki, bu barədə “TOLO News” telekanalı dini lider Məhəmməd İsmayıla istinadən məlumat yayıb.
Bildirilir ki, hadisə bazar ertəsi günü Faryab əyalətinin mərkəzi olan Meymen şəhərindəki məsciddə axşam namazı qılınarkən baş verib.
Ölkədə formalaşan silahlı qruplaşmaların heç biri insidentlə bağlı hələlik məsuliyyəti öz üzərinə götürməyib
