Kanadada 3,8 min sakin meşə yanğınları səbəbindən evlərini tərk edib
Avq 13, 2020 09:52 Asia/Baku
Kanadanın Ontario əyalətində Red-Leyk yaşayış məntəqəsinin təxminən 3,8 min sakini meşə yanğınları səbəbindən evlərini tərk etmək məcburiyyətində qalıblar.
SəhərAzəri Apa-ya istinadla xəbər verir ki,bu barədə “CTV” telekanalı şəhər meri Fred Mota istinadən məlumat yayıb.
Sakinlərin bir qismi təyyarə ilə yaxınlıqdakı yaşayış məntəqələrinə daşınıb. Ümumilikdə Red-Leykdə təxminən 4,1 min insan yaşayır. Yanğınlar nəticəsində dağıntı və ya xəsarət barədə məlumat verilməyib.
Regionun yanğındanmühafizə xidmətinin məlumatına görə, meşə yanğınları hələ də şəhər yaxınlığında sürətlə davam edir. Müşahidə olunan külək isə yanğını yaşayış məntəqəsinə doğru istiqamətləndirir. Yanğın hazırda 750 hektar sahəni əhatə edir.
