BMT çərşənbə günü gecə bir bəyanatda Qarabağ bölgəsindəki döyüşlərin dərhal dayandırılmasını istəyib.

SəhərAzəri xəbər verir, BMT bu bəyanatda Azərbaycan Respublikası ilə Ermənistandan istəyibdir ki, Qarabağ bölgəsindəki döyüşləri dərhal dayandıraraq, müzakirələrə başlasınlar.

BMT-nin baş katibi Antonio Quterreş də ötən cümə günü Azərbaycan Respublikası ilə Ermənistan arasındakı çəkişmələrin şiddətlənməsindən təəssüf ifadə edərək, bu iki ölkə arasındakı döyüşlərin dərhal dayandırılmasını istəmişdi.

İndiyədək bir çox ölkə döyüşlərin dayandırılması və Bakı ilə Yerevan arasında danışıqların başlanmasını istəyibdir.

İran İslam Respublikası da tərəfləri döyüşləri dayandırmağa çağırıb və Azərbaycan Respublikasının ərazi bütövlüyünün bərpasına təkid edib. Rəsmi Tehran beynəlxalq qanunlar çərçivəsində müzakirələrin başlanmasını istəyibdir.