ABŞ Ənsarullah ilə bağlı qərarı yenidən nəzərdən keçirir
ABŞ-ın yeni rəhbərliyi Tramp rəhbərliyinin Yəmənin Ənsarullah hərəkatını terrorçu siyahısına daxil etmək üçün etdiyi addımı yenidən nəzərdən keçirməyə başlayıb.
SəhərAzəri Dəyərlər.org-yə istinadən xəbər verir ki,
ABŞ-ın Dövlət Departamenti keçmiş hökumətin Yəmənin Ənsarullah hərəkatını terror təşkilatı elan etməsi ilə bağlı istintaqa başladığını açıqlayıb.
Reuters-in məlumatına görə, ABŞ Dövlət Departamentinin sözçüsü belə deyib: “Dövlət Departamenti köhnə hökumətin Husi (Ənsarullah) hərəkatını terrorçu elan etməsi ilə əlaqədar istintaq başlatdı və bu müddətdə bir qərara gəlmək üçün ən qısa zamanda üzərində işləyir.
ABŞ-ın dövlət katibi Entoni Blinken bu yaxınlarda Vaşinqtonun Ənsarullah hərəkatını terror təşkilatı elan etməsinə yenidən baxacağını söyləmişdi.
ABŞ-ın eks-prezidenti Donald Tramp iqtidardakı son günlərində Yəmənin Ənsarullah hərəkatını üç lideri ilə birlikdə, sanksiya siyahısına əlavə etdi.
