Avstraliyanın dördüncü iri şəhərində karantin tətbiq ediləcək
Bu ölkədə delta ştammına yoluxma halları artıb
Avstraliya rəsmiləri bildiriblər ki, koronavirus pandemiyasının güclənməsinə görə, çərşənbə axşamı günü gecə yarısından Brisben şəhəri üç gün müddətinə karantinə salınacaq.
SəhərAzəri-nin məlumatına əsasən, Kvinslend əyalətinin baş naziri Anastasiya Paloşi deyib ki, iri şəhərlər karantinə salınacaqlar, zira virus xaricdən ölkəyə daxil olur.
Avstraliyanın şərqində yerləşən Brisben şəhəri bu ölkənin karantin tətbiq ediləcək dördüncü iri şəhəridir.
Son günlər Avstraliyanın Sidney, Darvin və Pert şəhərlərinin sakinləri bir neçə günlük karantinlərə salınıblar.
Brisben şəhərinin və Kvinslend əyalətinin bəzi bölgələrinin karantinə salınmaları ilə on milyona yaxın avstraliyalı karantin atlında olacaq.
Avstraliya son həftələrdə Hindistanda aşkar edilmiş koronavirusun mutasiya etmiş delta ştammına yoluxma halları ilə üzləşibdir.
