Zelenski Putinlə danışmağa hazırdır Kreml isə bunu mümkün hesab edir
Ukrayna prezidenti Volodimir Zelenski beynəlxalq vasitəçilərlə Rusiya prezidenti Vladimir Putinlə birbaşa danışmağa hazırdır. Bu barədə Ukarayna prezidentinin ofisinin rəhbəri İqor Jovkva bildirib.
SəhərAzəri-nin məlumatına əsasən,Jovkva CNN telekanalına müsahibəsində bildirib ki, prezident beynəlxalq vasitəçilərlə birbaşa Putinlə danışmağa hazırdır, lakin biz bu danışıqlar zamanı Rusiyanın mövqeyində heç bir güzəştə getməyəcəyik.
Kreml isə Putin-Zelenski görüşünün mümkünlüyünü istisna etməyib
Heç kim Vladimir Putin və Vladimir Zelenskinin görüşünün mümkünlüyünü istisna etmir, lakin əvvəlcədən nümayəndə heyətləri və nazirlər dövlət başçılarının söhbət xatirinə deyil, nəticə üçün görüşməsinə əmin olmalıdırlar. Bunu Kremlin mətbuat katibi Dmitri Peskov bildirib.
“Heç kim Putinlə Zelenskinin görüşünün mümkünlüyünü istisna etmir. Bəli, bu, həqiqətən də konseptual olaraq mümkündür. Amma əvvəl həm nümayəndə heyətləri, həm də nazirlər öz üzərinə düşəni etməlidirlər ki, prezidentlər proses naminə və söhbət xatirinə görüşməsinlər, nəticə üçün görüşsünlər”, - Peskov vurğulayıb.
Kremlin sözçüsü Rusiya tərəfinin mövqeyinin məlum və aydın şəkildə ifadə olunduğunu, Ukrayna danışıqlarının iştirakçılarının diqqətinə çatdırıldığını söyləyib.
