ABŞ-ın NATO-dakı səfiri Ukraynanı məyus etdi
Qərbin Kiyevin silah tələblərini yerinə yetirməsi getdikcə çətinləşir
ABŞ-ın NATO-dakı səfiri bildirib ki, Qərbin Kiyevin silah tələblərini yerinə yetirməsi getdikcə çətinləşir.
SəhərAzəri-nin məlumatına əsasən, Culian Smit Vaşinqtonda Yeni Amerika Təhlükəsizliyi Mərkəzinin konfransında çıxışı zamanı deyib: "Hər şeydən əvvəl, biz demək olar ki, hər gün Kiyevdən gələn müraciətlərin daim dəyişən siyahısına müraciət etməliyik. Bizə çoxlu müraciətlər gəlir və müttəfiqlərimizlə birlikdə onlardan hansının cavab verə biləcəyini, kimin nəyi təmin etməyə hazır olduğunu müəyyən etməyə çalışırıq. Bu çox çətindir, çünki sorğular tez-tez dəyişir. Məsələn, əvvəlcə, eşitdiyiniz kimi, hava hücumundan müdafiə sistemləri haqqında danışırdırdıq. Zaman keçdikcə biz döyüş sursatını, artilleriya çatışmazlığının müzakirəsinə keçdik. Sonra məlum səbəblərə görə diqqətimizi böyük ölçüdə sahil müdafiəsi vasitələrinə cəmlədiyimiz dövr oldu. İndi zirehli texnika məsələsini nəzərdən keçiririk", - deyə Smit bildirib.
Onun sözlərinə görə, bəzi ölkələr əllərində olan hər şeyi göndəriblər.
"Bir sıra ölkələr ehtiyatların tükənməsindən narahatlığını ifadə etməyə başlayıblar", deyə Smit əlavə edib.
Səfir bildirib ki, bəzi ölkələr maliyyə yardımına keçmək qərarına gəliblər.
