Anqolada son 300 ilin ən böyük çəhrayı almazı tapılıb
İyul 30, 2022 14:01 Asia/Baku
Anqoladakı mədənlərin birində son 300 ildə kəşf edilmiş ən böyük çəhrayı almaz tapılıb.
SəhərAzəri-nin məlumatına əsasən, mədənin sahibi "Lucapa Diamond" şirkəti öz saytında bildirib ki, "Lulo Rose" adlandırılan almaz Anqolanın şimal-şərqində yerləşən almazla zəngin Lunda Norte bölgəsindəki Lulo allüvial almaz mədənində tapılıb.
Lucapa almaz şirkətinin baş icraçı direktoru Stiven Wetherall deyib: "Hər 10 min almazdan yalnız biri çəhrayı rəngdədir. Beləliklə bu almaz öz saflığına və qeyri-adi rənginə görə çox yüksək qiymətə malikdir və onun dəyərini hələ də müəyyən edə bilmirlər".
Tapılmış çəhrayı qiymətli daşın beynəlxalq bir hərracda satılacağı gözlənilir.
