Rusiya MN müharibənin gedişatı barədə yeni məlumat yaydı
Məhv edilmiş Ukrayna tanklarının sayı 4300-ü keçib
Rusiya Silahlı Qüvvələri indiyədək Ukrayna ordusunun 4300 tankını məhv edib, Nikolayev vilayətində isə dünən Ukrayna radiolokasiya stansiyalarını, həmçinin dörd silah anbarını dağıdıb.
SəhərAzəri-nin məlumatına əsasən, Rusiya Müdafiə Nazirliyindən bildirlib ki, Rusiya Silahlı Qüvvələri bir sutka ərzində Ukraynanın beş komanda məntəqəsinə, qərargahına və Ukrayna silahlı birləşmələrinin müvəqqəti yerləşdirildiyi dörd yerə zərbələr endirib.
Bildirilir ki, Ukrayna ərazisindəki hərbi obyektlərə operativ-taktiki və ordu aviasiyasının, raket qüvvələrinin və artilleriyasının zərbələri davam edir.
Rusiya Müdafiə Nazirliyi qeyd edib ki, Rusiyanın xüsusi hərbi əməliyyatı zamanı 4300-dən çox Ukrayna tankı və digər zirehli döyüş maşını artıq məhv edilib.
“Ümumilikdə, xüsusi hərbi əməliyyat başlayandan bu günə kimi aşağıdakılar məhv edilib: 267 təyyarə, 148 helikopter, 1738 pilotsuz uçuş aparatı, 365 zenit-raket kompleksi, 4303 tank və digər zirehli döyüş texnikası, 798 çoxsaylı döyüş maşını və raket sistemləri, 3298 səhra artilleriya qurğusu və minaatan, həmçinin 4888 ədəd xüsusi təyinatlı hərbi maşın”, - deyə hərbi idarənin hesabatında deyilir.
