Əfqanıstan şiələri ilə həmrəylik üçün “Həzarələrin Soyqırımını dayandırın” kampaniyasına start verilib
Kabildəki təhsil mərkəzində onlarla əfqan həzarə gəncin ölümünə və yaralanmasına səbəb olan ölümcül terror partlayışından sonra bazar günü Twitter-də "Həzarələrin Soyqırımını Dayandırın" kampaniyasına start verilib.
SəhərAzəri-nin məlumatına əsasən, Son terror aktında Kabilin Kaj təhsil mərkəzində törədilən terror partlayışı nəticəsində 49 nəfər ölüb, 100-ə yaxın insan yaralanıb.
"İRNA"nın məlumatına görə, bazar günü Twitter istifadəçiləri tərəfindən başladılan kampaniya səkkiz saatdan az bir müddətdə trendə çevrilib və bazar günü günortadan sonrayadək həmin həştəq üzrə baxış sayı 274 minə çatıb.
Twitter istifadəçiləri bu həştəqlə Əfqanıstanda həzarələrə və şiələrə qarşı zorakılığa son qoymağa çağırıblar.
Hazırda bu kampaniya genişlənir və Əfqanıstan vətəndaşları daxildə və xaricdə ondan istifadə edirlər.
