ABŞ prezidenti Co Bayden ABŞ-ın 2023-cu il üçün 858 milyard dollarlıq hərbi büdcəsini imzalayıb.

SəhərAzəri-nin məlumatına əsasən, büdcə layihəsi, Baydenin bu büdcədə respublikaçılar tərəfindən dəstəklənən və Amerika qoşunlarının koronavirus peyvəndi alması tələbini ləğv edən maddəyə qarşı olmasına baxmayaraq, imzalanıb.

Ağ Ev rəsmilərinin dediyinə görə, Bayden və müdafiə naziri Lloyd Austin hesab edirdilər ki, bu tələbin götürülməsi ABŞ qoşunlarının və ya ordusunun maraqlarına uyğun deyil. Bununla belə, prezident büdcəni təsdiqləmək üçün respublikaçıların peyvənd mandatının ləğvi tələbini qəbul etmək qərarına gəlib.

ABŞ qanunvericiləri inflyasiyanı və ölkənin Çin və Rusiya ilə hərbi rəqabətinin güclənməsini nəzərə alaraq, bu ölkənin müdafiə və hərbi sektoruna daha çox vəsait ayırıblar.

ABŞ-ın hərbi büdcəsinin artırılması Vaşinqtonun dünyada müharibə qızışdıran siyasətinin davam etdirilməsinin növbəti əlaməti kimi qiymətləndirilə bilər.