Rusiyanı dünya neft bazarından sıxışdırıb çıxarmaq mümkün deyil
Rusiya dünyanın ən böyük neft ixracatçısı olub
Rusiya neftinə yüksək qiymət həddinin bir barel üçün 60 dollar tətbiq edilməsinə baxmayaraq, bu ölkə ən böyük yanacaq ixracatçısı olub və belə də qalacaq.
SəhərAzəri-nin məlumatına əsasən, bunu Rusiyanın maliyyə naziri Anton Siluanov bildirib.
Dekabrın 27-də Rusiya prezidenti Vladimir Putin neftin yüksək qiymət həddi ilə bağlı cavab tədbirləri haqqında fərman imzalayıb. Sənəd Rusiyadan neft və neft məhsullarının müqavilədə qiymət həddi təyin edən ölkələrə tədarükünü qadağan edir. Burada neftin qiymət həddi mexanizmi nəzərdə tutulduğu halda, onun xarici alıcılara tədarükü də qadağandır.
Eyni zamanda bildirilir ki, Rusiya neftinə yüksək qiymət həddi tətbiq edən ölkələrə Rusiyadan neft və neft məhsullarının tədarükü yalnız xüsusi qərar əsasında mümkün olacaq.
