Pakistanın Bəluçistan əyalətinin Kvetta şəhərində Dəmiryolu vağzalında intiharçının törətdiyi partlayış nəticəsində ən azı 24 nəfər ölüb, 50-dən çox adam yaralanıb.

Bildirilir ki, partlayış Xeybər Paxtunxvada Kvettadan Pişəvərə gedən qatara minmək üçün gözləyən sərnişinlər arasında baş verib.

Pakistan mediası bu partlayışı intiharçının törətdiyini bildirsə də,  polis hələlik bununla və partlayışın təfərrüatı ilə bağlı açıqlama verməyib.

Bu xəbərin açıqlanması ilə eyni vaxtda Kvetta şəhərinin bütün xəstəxanalarında fövqəladə vəziyyət elan edilib və yaralıların vəziyyəti ağır olduğundan itkilərin artması ehtimalı var.