Gürcüstanın hakim partiyası qalib gəldi
Gürcüstanın hakim partiyası seçkilərdə qalib gəldiyini elan edib.
SəhərAzəri xəbər verir, hakim Gürcü Arzusu Partiyasının icraçı katibi İrakli Kobaxidze bildirib ki, Gürcüstanda hakim Gürcü Arzusu Partiyasının namizədləri parlament seçkilərinin ikinci turunun ilkin nəticələrinə görə bütün birmandatlı dairələrdə qalib gəliblər.
Onun sözlərinə görə, müxalifətin ikinci tur seçkilərini boykot etməsinə baxmayaraq, Gürcüstanın yarım milyondan çox vətəndaşı seçkilərin ikinci turunda səs verib. Kobaxidze qeyd edib: "Səsvermənin ilkin nəticələri ilə bağlı məlumatlarımız var. Gözlənildiyi kimi, Gürcü Arzusu partiyasının namizədləri 17 dairənin hamısında qalib gələrək parlament mandatı alıblar. Bu səbəbdən növbəti parlamentdə Gürcü Arzusu 90 millət vəkili ilə təmsil olunacaq".
