Gürcüstan partiyalarının dövlətdən alacağı aylıq büdcələri açıqlandı
Gürcüstan partiyalarının dövlətdən alacağı aylıq məbləğlər açıqlanıb.
SəhərAzəri Gürcüstan xəbər agentliklərinin məlumatına istinadən xəbər verir, Gürcüstan parlamentinə daxil olmuş 14 partiyadan 12-si ildə 12,5 milyon lari məbləğində dövlət tərəfindən maliyyələşdiriləcək.
Bu barədə Mərkəzi Seçki Komitəsinin (MSK) sədri Tamar Jvaniya məlumat verib.
Bildirilir ki, hakim “Gürcü Arzusu – Demokratik Gürcüstan” partiyası hər il 5,1 milyon lari (1,55 milyon dollar), hər ay təxminən 428,3 min lari (130, min dollar) alacaq.
Bununla belə, parlamentə seçilmiş iki partiya – “Girçi” və “Vətəndaşlar” partiyaları dövlət tərəfindən maliyyələşdirilməyəcək. Onlar seçkilərin nəticələrinə etiraz əlaməti olaraq maliyyələşdirilmənin əldə edilməsi üçün MSK-ə müraciət etməyiblər.
