Gürcüstanın yeni baş naziri və hökuməti təsdiqləndi
Fev 24, 2021 15:42 Asia/Baku
Gürcüstan parlamenti yeni hökumətin tərkibini və 2021-2024-cü illər üçün fəaliyyət proqramını təsdiqləyib.
SaharAzeri xəbər verir ki, Gürcüstan parlamentinin 89 deputatı yeni Nazirlər Kabinetinə etimad göstərib, 2 deputat bunun əleyhinə səs verib.İrakli Qaribaşvilinin başçılıq edəcəyi yeni hökumətdə iki yeni nazir - regional inkişaf və infrastruktur naziri İrakli Karseladze və müdafiə naziri Cuanşer Burçuladze təmsil olunub.
Qeyd edək ki, 39 yaşlı İ.Qaribaşvili 2019-cu ilin sentyabrından bu vaxta qədər Gürcüstanın müdafiə naziri olub. O, artıq ikinci dəfədir ölkədə hökumət başçısı kimi fəaliyyət göstərəcək. İlk dəfə 2013-cü ilin noyabrında baş nazir təyin olunan İ.Qaribaşvili 2015-ci ilin dekabrında vəzifəsindən istefa verib.
