Gürcüstanda məhkəmə “Vahid Milli Hərəkat”ın sədrinin həbsdə qalmasına qərar verib
Apr 13, 2021 17:45 Asia/Baku
Tbilisi Şəhər Məhkəməsi müxalif “Vahid Milli Hərəkat” partiyasının sədri Nika Melianın həbsdə qalmasına qərar verib.
SəhərAzəri xəbər verir ki, məhkəmənin bu gün keçirilən iclasında 2019-cu ilin 20-21 iyun tarixlərində Tbilisidə parlament binası qarşısında qrup zorakılığı törətməkdə ittiham edilən müxalif lider N. Melianın həbsdə qalmasına qərar verilib.
Hakimin qərarı məhkəmə zalında etirazla qarşılanıb.
Məhkəmənin növbəti iclası aprelin 29-na təyin olunub.
Qeyd edək ki, bu il fevralın 23-də "Vahid Milli Hərəkat" partiyasının sədri N. Melianın partiyanın baş qərargahında həbs edilməsindən sonra Gürcüstanda hakimiyyətlə müxalif partiyalar arasında gərginlik pik həddə çatıb.
