Türkiyə xarici işlər nazirliyinin sözçüsü Amerikanın Rusiyadan S-400 raket sistemi alması bəhanəsilə Türkiyəyə qarşı təzyiq və hədələrini nəticəsiz adlandırıb.

Hami Aksoy bu gün müxbirlər qarşısında ABŞ-ın vitse-prezidenti Mayk Pensin "Türkiyə S-400 raket sistemini almaqla NATO-da qalmaqdan birini seçməlidir" cümləsinə reaksiyada deyib ki, Amerikanın təhdid dilindən istifadə etməsi bu ölkə üçün bir nəticə gətirməyəcəkdir.

Türkiyə xarici işlər nazirliyinin sözçüsü əlavə edib: Rusiyadan S-400 raket sistemi almaq Türkiyənin hədələr qarşısındakı təhlükəsizlik tədbirləri çərçivəsindədir və Ankara Vaşinqtonun bu sistemi almamaq barədəki tələbini qəbul etməyəcəkdir.